gfc

തുറന്നു നോക്കാത്ത സന്ദേശങ്ങള്‍

ഇരയും വേട്ടക്കാരനും തമ്മില്‍
ഒരു സമവായമുണ്ട്.
ഞാനിത്രവരെ ഓടാം
ഞാന്‍ ഇന്ന ഇടത്ത് നില്‍ക്കാം
എന്നൊക്കെ...

മരണം എന്ന അന്ധതയിലേക്ക്
കാല്‍തെറ്റി വീഴും മുന്‍പ്
തുറന്നു നോക്കാത്ത
ഒരു സന്ദേശമെത്തും;
ഒരിട കിട്ടിയാലും
ഇല്ലെങ്കിലും.

8 അഭിപ്രായങ്ങൾ:

  1. ആ സമവായത്തിലെ
    കണ്ണികളാണു നമ്മള്‍

    മറുപടിഇല്ലാതാക്കൂ
  2. വേട്ടക്കാരനെ പറ്റിച്ചുപോകുന്ന ഇരകള്‍ക്ക് സന്ദേശം കിട്ടുമോ മാഷെ?
    :)
    ഓണാശംസകള്‍.

    മറുപടിഇല്ലാതാക്കൂ
  3. ഒരിരയും വേട്ടക്കാരനെ പറ്റിക്കുന്നില്ല.ഇതൊക്കെ വേട്ടക്കാരനും വേട്ടമൃഗവും തമ്മിലുള്ള ഒരൊത്തുകളിയാണ്.അതുകൊണ്ട് സന്ദേഹം വേണ്ട.സന്ദേശം കിട്ടേണ്ട സമയത്തേ കിട്ടൂ.

    മറുപടിഇല്ലാതാക്കൂ
  4. ഇരയും വേട്ടക്കാരനും തമ്മില്‍
    ഒരു സമവായമുണ്ട്.
    ഞാനിത്രവരെ ഓടാം
    ഞാന്‍ ഇന്ന ഇടത്ത് നില്‍ക്കാം
    എന്നൊക്കെ...


    വിഷ്ണുമാഷേ ഇത് വായിച്ചപ്പോള്‍ പഴയ ഒരു സനുദ്ദീന്‍ തമാശയാണോര്‍മ്മവന്നത്. കള്ളനെ പൊലീസ് ഓടിക്കുന്നു. അവസാനം രണ്ടു കൂട്ടരും തളര്‍ന്നപ്പോള്‍ കള്ളന്റെ പറയുന്നു. "ഹൗ തളര്‍ന്നുല്ലേ..ഇനി നമുക്ക് രണ്ടു പേര്‍ക്കും ഇവിടെ കുറച്ചുനേരം ഇരുന്നിട്ട്... പിന്നെ ഓടാം" നേരത്തേ പറഞ്ഞുറപ്പിച്ച ദൂരം എത്തിയിട്ടുണ്ടാവില്ലായിരിക്കും.
    ഓ.ടോ. വിന് മാപ്പ്.

    മറുപടിഇല്ലാതാക്കൂ
  5. കുഴക്കിയല്ലോ മാഷെ..തുറന്നു നോക്കാന്‍ പറ്റാത്തതാണെങ്കില്‍ പിന്നെന്തിനാ..?ഹി ഹി

    ഇനി അന്ധനാവുന്നതിന് മുന്‍പു തന്നെ കണ്ണു തുറന്നു പിടിക്കട്ടെ.

    മറുപടിഇല്ലാതാക്കൂ
  6. പ്രിയ വിഷ്ണുപ്രസാദ്,
    നിങ്ങളിങ്ങനെ മരണത്തില്‍തന്നെ കുരുങ്ങുന്നതെന്ത്!

    മറുപടിഇല്ലാതാക്കൂ
  7. അടുത്ത കവിതയ്ക്കുള്ള സമയമായി. വായനക്കാരുടെ ക്ഷമ പരീക്ഷിക്കരുത് :)

    മറുപടിഇല്ലാതാക്കൂ