gfc

പട്ടാപ്പകല്‍ 11.30 ന് അഥവാ സഞ്ചാര സ്വാതന്ത്ര്യത്തെക്കുറിച്ച് 60 കിലോമീറ്റര്‍ സ്പീഡില്‍ ഒരു കവിത

പട്ടാപ്പകല്‍ 11.30 ന്
ഞങ്ങള്‍ ഒരു തുറന്ന ജീപ്പില്‍ പുറപ്പെട്ടു
ഞങ്ങളുടെ ഡ്രൈവര്‍ ഞങ്ങളെ നോക്കുകില്ല
എന്ന ഉറപ്പില്‍
ഞങ്ങള്‍ ഞങ്ങളുടെ തുണികളൊക്കെ ഊരി
വണ്ടിയുടെ ചുറ്റുമുള്ള കമ്പികളില്‍ കെട്ടിയിട്ടു
വണ്ടി ഒരു അറുപതു കിലോമീറ്റര്‍ സ്പീഡില്‍ വിട്ടു
പോകുന്ന വഴിക്ക് നാല് കവലയുണ്ട്
വേണമെങ്കില്‍ കവലയുടെ എണ്ണം കൂട്ടാം
കാറ്റ് ഞങ്ങളെ അടിച്ച് പിന്നോട്ട്
കാറ്റത്ത് എന്റെ പാന്റ്സും അവളുടെ ചുരിദാറും പിന്നോട്ട്
ഞാനും അവളും കെട്ടിപ്പിടിച്ച് കൂക്കിവിളിച്ചു
ഡ്രൈവര്‍ തിരിഞ്ഞുനോക്കിയോ?
നോക്കിയാല്‍ ഞങ്ങള്‍ക്ക് പുല്ലാണ്
ഞങ്ങള്‍ ചൂളമടിച്ചു
പാട്ടുപാടി
അലറി
വഴിയിലുള്ള മരങ്ങളെ മുഴുവന്‍ പേരെടുത്തുവിളിച്ചു
പ്ലാവേ മാവേ കാറ്റാടീ
കള്ളക്കശുമാവേ മൈരന്‍ റബറേ
എന്നിങ്ങനെ അന്നോളം ആരും വിളിക്കാത്തത്ര സ്നേഹത്തില്‍

ഒന്നാമത്തെ കവല വന്നു
കവലയില്‍ ആളുകള്‍ എന്തൊക്കെ ചെയ്യും
അല്ല,എന്തൊക്കെ ചെയ്യണം?
ഒരുത്തി,അല്ലല്ല,കുറേ ഒരുത്തികള്‍
പച്ചക്കറി വാങ്ങിച്ച് നില്‍ക്കട്ടെ
ഇറച്ചിക്കടക്കാരന്‍ ഇറച്ചിവെട്ടട്ടെ
ഓട്ടോ ടാക്സിക്കാര്‍ പതിവുപോലെ
വായും പൊളിച്ച് നില്‍ക്കട്ടെ
ബസ്‌സ്റ്റോപ്പില്‍ കോളേജ് പിള്ളേര്‍
മൊബൈല്‍ ഫോണ്‍ ചെവിയിലമര്‍ത്തി
ചിരിച്ചും പറഞ്ഞും ചുവക്കട്ടെ
ഞങ്ങളുടെ വണ്ടി പരമാവധി വേഗത കുറയ്ക്കുന്നു
കവല മുഴുവന്‍ ഞങ്ങളെ നോക്കുന്നു
ഞങ്ങള്‍ ഫുള്‍ഡാന്‍സാണ്.
നോക്കിനില്‍ക്കുന്ന അമ്മാവന്മാരെ നോക്കി പൂരപ്പാട്ടാണ്.
അവളുടെ ബള്‍ബ് കണ്ട് ചില വല്യപ്പന്മാര്‍ നാക്ക് നീട്ടുന്നുണ്ട്
എന്റെ മുരിങ്ങക്കായ കണ്ട് ചില അമ്മായിമാര്‍ കണ്ണുപൊത്തുന്നുണ്ട്
ഒലക്കേടെ മൂട്
കോപ്പിലെ സദാചാരം
വണ്ടി പെട്ടെന്ന് വേഗത കൂട്ടി ഒറ്റപ്പോക്കാണ്
ഒരു കവല ഒന്നാകെ ഷോക്കടിച്ച് നില്‍പ്പാണ്
എന്തോ ഒരു മൈര് തലയ്ക്കു ചുറ്റും കറങ്ങുമ്പോലെ
എല്ലാവര്‍ക്കും തോന്നുകയാണ്.
ഞങ്ങടെ ഡ്രൈവര്‍ നല്ല വിടല് വിട്ടു
അവളെന്നെ കെട്ടിപ്പിടിച്ച് രണ്ടുകവിളിലും കടിച്ചു
അടുത്ത കവലയിലും ഇങ്ങനെതന്നെ ചെയ്തു
പ്രേമം മൂത്ത് ആ കവല
ഞങ്ങടെ പിന്നാലെ കുറച്ചുദൂരം ഓടി
ഞങ്ങളെ ജയിക്കാന്‍ പറ്റുമോ
ഞങ്ങള് നല്ല വിടല് വിട്ടു
മുരിങ്ങക്കായ കാട്ടി വിരട്ടി
മൂന്നാമത്തെ കവല കല്ലെറിഞ്ഞു
നാലാമത്തെ കവല പിടിച്ചുവെച്ച്
ഞങ്ങള് മൂന്നെണ്ണത്തിനേം
നല്ല ചാര്‍ത്ത് ചാര്‍ത്തി
ഫുട്ബോള് തട്ടുമ്പോലെ തട്ടി
കയ്യും കാലും പിടിച്ച് ഒരു വിധം കഴിച്ചിലായി.

ലക്ഷ്യസ്ഥാനത്തെത്തിയപ്പോള്‍ അവള്‍ക്കൊരു സംശയം.
അല്ല,കുട്ടാ...നമ്മളീ കാട്ടിയതൊക്കെ
ആരെങ്കിലും കണ്ടോ?
ഞാന്‍ ആലോചിച്ചുനോക്കി
പിന്നെയും ആലോചിച്ചുനോക്കി
ഹേയ് ആരും കണ്ടിട്ടില്ലാ മോളേ.
ഉറപ്പുവരുത്താന്‍
ഒന്നാമത്തെ കവലയിലേക്ക് ഫോണ്‍ ചെയ്തു
അവരാരും ഒന്നും കണ്ടിട്ടില്ലെന്ന് പറഞ്ഞു
രണ്ടാമത്തെ കവലയിലേക്ക് ഫോണ്‍ ചെയ്തു
അവരും ഒന്നും കണ്ടിട്ടില്ലെന്ന് പറഞ്ഞു
മൂന്നാമത്തെയും നാലാമത്തെയും
കവലയിലേക്ക് ഫോണ്‍ ചെയ്തു
അവരും അതു തന്നെ പറഞ്ഞു
എന്നാപ്പിന്നെ നമുക്ക് ഒന്നുകൂടിപ്പോയാലോ
എന്നായി അവള്‍
തിരിക്കെടാ വണ്ടി
ഞങ്ങള്‍ അലറി
വണ്ടി തിരിഞ്ഞു
നാലാമത്തെ കവല ഒന്നാമത്തെ കവലയെപ്പോലെ
ഞങ്ങളെ സ്വീകരിച്ചു
മൂന്നാമത്തെ കവല രണ്ടാമത്തെ കവലയെപ്പോലെ
പിന്നാലെയോടി
രണ്ടാമത്തെകവല കല്ലെറിഞ്ഞു
ഒന്നാമത്തെകവല പിടിച്ചുവെച്ച് ചവിട്ടിക്കൂട്ടി
കയ്യുംകാലും പിടിച്ച് രക്ഷപ്പെട്ടു.
ഒടുവില്‍ തുടങ്ങിയ സ്ഥലത്ത് എത്തി
അപ്പോള്‍ അതേ സംശയം
അവള്‍ വീണ്ടും ചോദിക്കുകയാണ്
അല്ല ,കുട്ടാ...
ഞാന്‍ വീണ്ടും ഫോണ്‍ ചെയ്യുകയാണ്
ആരും ഒന്നും കണ്ടില്ലെന്ന് ആവര്‍ത്തിക്കുകയാണ്
എന്നാപ്പിന്നെ വിഡ്രാ വണ്ടി...
ഞങ്ങടെ വണ്ടി ഇതാ കൂക്കിവിളിച്ചുവരുന്നു
മരങ്ങളേ മലകളേ
മാറിനിക്കിനെടാ...കൂ‍ൂ‍ൂ‍ൂ‍ൂ‍ൂ‍ൂ‍ൂയ്

11 അഭിപ്രായങ്ങൾ:

  1. ജോലിക്കിടെ ലെറ്റ്സ് നോട്ട് റീ‌ഇന്‍‌വെന്റ് എന്ന് പറയാറുണ്ട്.. കവിതയില്‍ വീണ്ടും കവിത കണ്ടുപിടിക്കുന്ന നിങ്ങളെക്കുറിച്ച് എന്തു പറയാന്‍.........

    സ്പീഡ് 80 എത്തിയിട്ടുണ്ട്!

    മറുപടിഇല്ലാതാക്കൂ
  2. എഴുത്തിന്റെ പുത്തന്‍ ഫ്രെയിം എനിക്ക് വളരെ ഇഷ്്ടപ്പെട്ടു..
    ഭാവുകങ്ങള്‍..

    മറുപടിഇല്ലാതാക്കൂ
  3. സാഹിത്ത്യത്തിന്റെ ചട്ടക്കൂടില്‍ നിന്നും നിബന്ധനകളും നിയമങ്ങളും സകലതും പൊളിച്ചടുക്കി വന്ന ഈ വണ്ടി ആളൊരു പുലി തന്നെ. ഈ ഭൂമിയില്‍ ജീവിക്കാന്‍ എന്തിനു കുറെ നിയമങ്ങള്‍ എന്ന് എല്ലാ കവലകളിലും വിളിച്ചു കൂവി ഇങ്ങനെ യാത്ര ചെയ്യുമ്പോള്‍ അത് കണ്ടു നില്‍ക്കുന്നവര്‍ക്കും അതെ പാത പിന്തുടരാന്‍ തോന്നിക്കുന്ന തരത്തില്‍ ഒരു ലഹരിയുണ്ട് ഈ എഴുത്തില്‍...മുഖം മൂടികളെ വലിച്ചു കീറാന്‍ ആഹ്വാനിക്കുന്ന ഒരു നേതാവുണ്ട് ഈ എഴുത്തില്‍...സ്നേഹത്തിന്റെ ഭാഷയുടെ നിറം വരച്ചു കാട്ടുന്ന ഒരു ചിത്രകാരനുണ്ട് ഈ എഴുത്തില്‍..പ്രാസം നോക്കാതെ ഹൃദയത്തിന്റെ തുടിപ്പുകള്‍ പാടുന്ന ഒരു പാട്ടുകാരനുണ്ട് ഈ എഴുത്തില്‍..

    പക്ഷെ എന്ത് ചെയ്യാം ഇതെല്ലാം പച്ചക്ക് വിളിച്ചു പറയുന്ന നിങ്ങളെ ആരോ ഭ്രാന്തനാക്കി മാറ്റാന്‍ ശ്രമിക്കുന്നു.

    അഭിനന്ദനങ്ങള്‍..ആശംസകള്‍ ..

    മറുപടിഇല്ലാതാക്കൂ
  4. ഇഷ്ടപ്പെട്ടു, അഭിനന്ദനങ്ങള്‍ എന്നൊക്കെ പറഞ്ഞാല്‍ അതീ കവിതയെ, കവിയെ കുറച്ചു കാണുന്നത് പോലെയാകും.
    കവിതയിലൂടെ സമകാലീനസാമൂഹ്യചിന്താഗതിയെ തുണിയുരിച്ചു കാട്ടിയതിനു ഒരു ബിഗ്‌ സല്യൂട്ട് ...!

    മറുപടിഇല്ലാതാക്കൂ
  5. നല്ല സ്പീഡിൽ കവിതയുടെ പുതിയൊരു ഫ്രെയ്മാണല്ലോ മാഷെ ഇത്

    മറുപടിഇല്ലാതാക്കൂ
  6. നൂറില്‍ പറഞ്ഞൊരു കവിതയെന്നെ ഞാന്‍ പറയൂ ....!

    മറുപടിഇല്ലാതാക്കൂ
  7. ഇഷ്ടായി ..അഭിനന്ദനങ്ങള്‍..

    മറുപടിഇല്ലാതാക്കൂ
  8. ഞാന്‍ മരങ്ങളേ മലകളേ എന്നു വിളിച്ചു
    http://www.naakila.blogspot.in/2011/10/blog-post_11.html
    മാഷ് മലകളേ മരങ്ങളേ എന്നും
    നല്ല കവിത

    മറുപടിഇല്ലാതാക്കൂ
  9. വല്ലാതെ അയഞ്ഞ രൂപം:-)

    മറുപടിഇല്ലാതാക്കൂ